Александар Вучковски - сомелиер: Како македонските вина го освојуваат светот? ↓↓↓
Килијан Мбапе и овој преоден рок е еден од фудбалерите за кои многу се пишува.
Мбапе веќе подолго време се поврзува со заминување од ПСЖ, а околу неговото име најмногу се споменува Реал Мадрид, меѓутоа тешко е да се верува дека таков трансфер ќе видиме ова лето. Во Пари Сен Жермен се обиделе да го обезбедат Мбапе на подолг период, но ако им веруваме на француските медиуми баш и не им оди најдобро.
Управата на ПСЖ го контактирала Мбапе и на фудбалерот му било порачано дека сакаат да започнат преговори за нов договор. Меѓутоа биле изненадени кога тој им одговорил дека не сака да го продолжи актуелниот договор со клубот од Париз.
Мбапе има договор до летото 2022 година, а ПСЖ му понудил договор до летото 2025. Но младиот напаѓач одбил да преговара и јасно им ставил до знаење дека сака да направи нов чекор во кариерата.
Многумина веруваат дека само прашање на време е кога овој француски фудбалер ќе го видиме во дресот на Реал Мадрид бидејќи ПСЖ нема да може толку долго да ги игнорира понудите на Флорентино Перез и Реал Мадрид.
