Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
На барање на институтот ИФОП, социјалната мрежа Вајлд спроведе анкета за влијанието на политичките мислења врз брачниот и сексуалниот живот на Французите, со која беа опфатени 4.000 репрезентативни претставници на француското општетство.
Како што јави дописникот на МИА од Париз, прв заклучок од испитувањето е дека меѓу француските брачни двојки постои политичката хомогеност.
Всушност 75 отсто од испитаниците веруваат дека нивниот партнер споделува исти политички ставови со нив. Меѓу двојките кои се „идеолошки дисонантни“ (30 проценти од испитаниците) се оние под 25 години (41 отсто), оние кои живеат со друго лице помалку од една година (48 проценти), но исто и симпатизерите на десниот центар (52 проценти).
Само 54 отсто од испитаните Французи ја знаат политичката ориентација на нивниот партнер и секој втор (52 отсто) од оние кои во моментов се во врска, знаат за кого ќе гласа нивниот избраник.
Дури 80 проценти од испитаниците признаваат дека имале барем еден сексуален партнер со поинаква политичка определба од нивната во текот на животот.
Дури 75 отсто од анкетираните велат дека се со „исти политички мислења“ со нивниот партнер, а 84 проценти се изјасниле дека на претседателските избори ќе гласаат за истиот кандидат како и нивниот парнер.
За споредба на парламентарните избори во 1978 на шеговитата анкета на ИФОП таков став имаа околу 55 проценти од испитаниците.
Од вкупниот број Французи 62 отсто одбиваат да живеат со симпатизер на екстремната десница, додека 52 проценти не би можеле да бидат во врска со проврзаник на крајната левица.
Наспроти сите мислења, жените полесно паѓаат под влијанието на нивниот партнер. Бројката од 1978 година, и покрај години на феминистичкат борба, не е променеат: Процентот на оние во брак кои признаваат дека политички се приближиле до нивниот брачен партнер е поголем кај жените (9 отсти) отколку кај мажите (5 проценти). Тоа особено важи за младите и за оние со ниско социјално, културно или економско потекло.
За совршен или врвен сексуален живот, изборот паѓа врз партнер со блиски идеи, па така 54 отсто од испитаните кои живеат со партнер со иста „политичка боја“ велат дека се „многу задоволни“ од сексуалниот живот. Само 43 проценти од „дисонантни двојки“ дале ваково одговор.
Сексуалниот живот на жените кои гласаат за ист кандидат за претседател како нивниот брачен партнер е три пати по интензивен од оние кои гласаат за различен кандидат.
Меѓу хомосексуалците 16 отсто ќе гласааат за Емануел Maкрон, а само 8 проценти за Фијон. Хомосексуалците во најголем дел се привразници на Фронтот на левицата (19 проценти). За споредба на национално ниво оваа партија ужива доверба на 8 отсто од Французите.
Гласачите на екстремните партии и кандидати, се исто така понаклонети и кон поекстремни сексуални практики. Такви се 23 проценти од симпатизерите на екстремната левица, а поддржувачите на екстремната десничарска Марин Ле Пен ја признаваат својата слабоста кон „хардкор“ порно практиките или удирање при сексуален однос.
