Откако заврши церемонијата на ФИФА на која Меси беше прогласен за фудбалер на годината, на социјалната платформа Инстаграм започна интересна „војна“ Бензема и Аргентинецот.
Прв започна Бензема, Меси одговори…Меси беше прогласен за најдобар фудбалер според ФИФА за 2022 година. И се ќе беше океј ако Карим Бензема не беше главен фаворит за освојување на наградата пред СП. Бензема се повреди, Меси играше и ја освои светската титула.
Разочараниот Бензема прво објави стори на својот Инстаграм каде непознато лице во видеото ја критикува Светската фудбалска организација, а продолжи со нови фотографии. Објави заедничка слика со Винисиус Јуниор со натпис „ѕверови“, алудирајќи на одлуката на ФИФА да го изостави бразилскиот напаѓач надвор од топ 11, а потоа сподели објава на една страница во која ги истакнува сите негови достигнувања во изминатата година.
Неколку часа по дешните објави на Бензема следуваше и одговорот на Меси. Без многу мубаети и објаснувања, само една фотографија со освоениот пехар на Мундијалот.
