Александар Вучковски - сомелиер: Како македонските вина го освојуваат светот? ↓↓↓
Шпекулациите за иднината на Нејмар не се смируваат и цела Европа зборува за неговиот наводен трансфер во Реал Мадрид следното лето.
Нејмар синоќа постигна два гола во победата на ПСЖ над Монпеле и доби овации од публиката, само една недела откако беше исвиркан од истата таа публика.
После натпреварот конечно се огласи и претседателот на ПСЖ, Насер Ал Келаифи кој категорично потврди дека Нејмар останува во Париз и истакна дека „ова е само игра на Реал Мадрид“.
„Тоа се само шпекулации и нормално дека не се точни. Нејмар е среќен во Париз и сака да остане. Дојде само пред неколку месеци и има уште четири и пол години договор со нас“, истакна Ал Келаифи.
„Шпанците сакаат да не навлечат на нивната „игра“, но ние нема да ја играме таа игра. Нејмар ќе игра кај нас и следната сезона, бидете сигурни во тоа. Не 100%, туку 2000%“, јасен беше претседателот на ПСЖ.
