По шести пат се одржа манифестацијата Изворен фолклор на Балканот Прилеп 2015, што ЦК ,,Марко Цепенков,, веќе традиционално ја организира во рамките на Прилепското кутлурно лето.
Публиката имаше можност да ужива во фолклорот што го претставија изворната група ,,Пијанец,, при КУД,, Никола Јонков Вапцаров,, од Делчево, вокално инструменталниот состав Ѓурѓовден при читалиштето ,,Ѓорѓи Победоносец,, од Софија, Бугарија и КУД,, Врелац,, од Врањска бања, Србија.
Изворната група ,,Пијанец,, го презентираше изворниот фолклор од пијанечко – малешевскиот, осоговскиот и Пиринскиот регион., додека бугарскиот состав од читалиштето ,,Ѓорѓи Победоносец,, ги вклучи фолклорните звуци од сите краеви на Бугарија.
КУД,, Врелац,, од Врањска бања се претстави со дел од богатиот репертоар на песни и ора.
