Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
САД во последните неколку недели будно ги набљудуваат руските поморски бродови како се подготвуваат за можно тестирање на ново торпедо на нуклеарен погон, рекол висок американски функционер за Си-ен-ен.
Меѓу пловилата што учествувале во подготовките бил и Белгород, подморница со крстосувачки ракети модифицирана за специјални операции способни за лансирање на торпедото Посејдон.
Минатата недела биле забележани бродови како ја напуштаат зоната за тестирање во Арктичко Море и се враќаат во пристаништето без да го спроведат тестот. САД веруваат дека Русите можеби наишле на технички тешкотии.
„Ова може да се гледа како дел од пошироката слика и неодамнешната воена практика на Русија за испраќање лошо обучени и недоволно опремени војници во Украина“, рекол западниот дипломат за Си-ен-ен. „Руската воена индустрија минува низ тешки времиња, а можеме да видиме и дека западните санкции за високотехнолошките воени стоки имаат ефект и мора да продолжат.“
Американските власти рекоа дека Русија може повторно да се обиде да го тестира торпедото. Торпедото Посејдон е подводно возило без екипаж со нуклеарен погон, кое може да носи и конвенционална и нуклеарна муниција. Неговиот нуклеарен погонски систем му дава речиси неограничен опсег.
САД не веруваат дека каков било тест би вклучувал детонирање нуклеарна направа.
