Александар Вучковски - сомелиер: Како македонските вина го освојуваат светот? ↓↓↓
Обвинителката Вилма Русковска потенцираше дека нема да има преквалификација на делото во рамки на случајот со упадот и насилството во Собранието, додавајќи дека според усвоениот закон за амнестија, самата амнестија не го опфаќа целото дело терористичко загрозување на уставниот поредок.
Рускоска призна дека како граѓанин не е задоволна од донесувањето на самиот закон за амнестија. Како обвинител, таа објасни дека како што ќе пристигнуваат барањата за амнестија, поединечно ќе се одлучува за секое од нив, нагласувајќи дека е добро што судот ќе носи решение, по претходно прибавено мислење од јавниот обвинител.
„Добро е што е така затоа што е многу подобро отколку да формираа комисија во Собрание и тие да одредуваа за кого важи амнестијата“ – вели Русковска.
Таа потенцира дека сите докази кои биле предложени и од одбраната и од обвинителството ќе се земат предвид.
„Не можам да речам никој да не биде амнестиран зошто тоа ќе биде спротивно на Законот кој го донесоа. Ако не го почитувам законот правам кривично дело“ – посочи обвинителката прашана што ќе се случи ако таа рече дека не треба да има амнестија за никој.
Извор: ПлусИнфо
