Руските медиуми тврдат: Евгениј Пригожин загина во авионска несреќа (снимка)

Десет лица, од кои тројца членови на авионскиот екипаж, биле во авионот што се урна во регионот Твер (Русија). Меѓу патниците е името и презимето на Евгениј Пригожин, пишува РИА Новости.

Авионот на Евгениј Пригожон се урна во близина на селото Куженкино во областа Твер. Според податоците на руската служба за итни случаи, во авионот имало 10 лица, меѓу кои и 3 членови на екипажот. Според првичните информации, сите во авионот загинале.

Another video from the site of the plane crash in Tver region of Russia. Russian aviation agency reports Prigozhin was on board of the plane. pic.twitter.com/h3mPYZoM0V

— Anton Gerashchenko (@Gerashchenko_en) August 23, 2023

Авионот летал од Москва за Санкт Петербург. Од Министерството за вонредни состојби соопштуваат дека се работи за деловен авион Embraer ERJ-135, додека на Телеграмскиот канал 112 е наведено дека регистарскиот број на авионот е RA-RA-02795.

Телеграмскиот канал Сива зона, поврзан со Wagner PMC, тврди дека Embraer Legaci 600 бил „соборен со оган од противвоздушна одбрана во Министерството за одбрана на Руската Федерација во областа Бологовски во Тверската област“.