Диск голф го освојува светот, а го нема во Македонија!? ↓↓↓
Русија е принудена воено да дејствува како одговор на одлуката на Финска да се придружи на западниот воен пакт НАТО, соопшти руското министерство за надворешни работи.
„Влегувањето на Финска во НАТО е радикална промена во надворешната политика на земјата“, се наведува во соопштението.
„Русија е присилена да преземе чекори на одмазда, и од воено-техничка, и од друга природа, за да го сопре создавањето закани за нејзината национална безбедност“.
Финска денес објави дека планира да поднесе барање за придружување на воениот сојуз без одложување.
Балтичката земја ја донесе одлуката за која со недели се шпекулираше дека ќе ја донесе. Русија и претходно се закани со распоредување на нуклеарно оружје на Балтикот ако Финска влезе во НАТО.
Шефот на НАТО Јенс Столтенберг кажа дека пристапувањето на Финска во НАТО ќе биде брзо и лесно.
