Вејн Руни најверојатно по крајот на сезоната ќе го напушти тимот на Евертон и ќе се пресели во МЛС лигата, пренесуваат англиските медиуми.
Руни пристигна во Манчестер Јунајтед во 2004 година и испиша историја на „Олд Трафорд“ каде остана се до 2017 година. Минатото лето се врати во Евертон, но најверојатно веќе го кажа последниот збор во Премиер лигата.
Руни на крајот на сезоната ќе го напушти Евертон за да го растерети буџетот на „карамелите“, но и за да проба нова авантура во кариерата.
Медиумите на Островот тврдат дека неговата следна дестинација ќе биде Америка, каде неколку тимови од МЛС лигата покажуваат интерес за 32-годишниот напаѓач.
