Пар кој зрачи со харизма и стил…
За сите љубители на модата и гламурот, модната куќа Falconeri подготви вистинско освежување за пролет/лето 2025 – кампања која обединува минимализам, софистицираност и безвременски стил. Она што ја прави особено посебна е првото заедничко појавување на еден од најхаризматичните парови на денешницата – Роузи Хантингтон-Вајтли и Џејсон Стетам.
Фотографиите кои зрачат со природна елеганција и ненаметлива убавина се направени во волшебната Компорта – ексклузивен португалски рај познат по недопрените песочни плажи и опуштена софистицираност. Токму оваа природна средина послужи како идеална позадина за колекцијата што го слави автентичниот дух и разновидната елеганција.
Под режија на реномираниот фотограф Лаклан Бејли, и креативно водство на стилистката Џералдин Саглио, кампањата прикажува интимен спој на сила и грациозност, во која Роузи и Џејсон преку софистицирани движења и природна хармонија го доловуваат автентичниот Falconeri стил.
Во сржта на оваа кампања се наоѓа препознатливиот Ultrafine кашмир – луксузно меко предиво кое совршено го обвива телото и овозможува чувство на вистинска удобност. Колекцијата е дизајнирана и за него и за неа, со нежни песочни нијанси кои создаваат неодолив контраст помеѓу природната едноставност и врвниот дизајн.
За неа, тука е cross-over зимскиот џемпер што нежно ја следи силуетата, како и сензуалниот slip фустан со длабок изрез на грбот – идеален за романтични вечери и софистицирани дневни комбинации. За него – елегантна кашмирска поло маичка што зрачи со воздржана мажевност, како и лесна, лежерна кошула што совршено се вклопува во секоја пригода.
Во духот на италијанската естетика, кампањата е поставена во уметничкиот комплекс Melides Art Resort во Компорта – место кое плени со остри архитектонски линии и креативен израз. Токму таквата атмосфера ја потенцира суштината на брендот Falconeri: природни материјали, чиста форма и безвременска елеганција која совршено одговара на современиот маж и жена.
Роузи и Џејсон, олицетворение на харизматичен пар со неодолива енергија и елеганција, преку оваа кампања ја демонстрираат силата на едноставноста и софистицираниот луксуз, покажувајќи дека автентичноста секогаш е во мода.
