Александар Вучковски - сомелиер: Како македонските вина го освојуваат светот? ↓↓↓
Риши Сунак ќе биде новиот премиер на Велика Британија откако неговата противкандидатка Пени Мордонт ја повлече својата кандидатура.
Сунак е трет британски премиер за помалку од два месеци, по оставките на Трас и Џонсон. Тој ќе биде прв британски лидер со азиско потекло.
Риши Сунак ќе стане британски премиер, откако другите кандидати се откажаа од трката да ја предводат Конзервативната партија, оставајќи му задача да ја води длабоко поделената земја низ падот на економијата кој ќе остави милиони луѓе посиромашни.
Сунак, еден од најбогатите политичари во Вестминстер, ќе биде замолен да формира влада од кралот Чарлс, заменувајќи ја Лиз Трас, лидерката во заминување која издржа само 44 дена на оваа функција.
Тој ја победи центристичката политичарка Пени Мордонт, која не доби доволно поддршка од пратениците за да влезе во гласањето, додека неговиот ривал, поранешниот премиер Борис Џонсон, се повлече од трката велејќи дека повеќе не може да ја обедини партијата.
„Оваа одлука е историска и уште еднаш ја покажува различноста и талентот на нашата партија. Риши ја има мојата целосна поддршка“, рече Мордонт во изјавата, повлекувајќи се од трката само неколку минути пред да биде објавен победникот.
Сунак е роден во Саутемптон во 1980 година од пенџаби хинду, Сунак често зборуваше за време на последната кампања за лидерство на партијата за тоа како и помага на својата мајка, која водеше аптека, во книговодството.
Имаше привилегирано образование. Посетувал елитно училиште и е вториот премиер кој студирал политички науки, филозофија и економија на Оксфорд, по Дејвид Камерон и Лиз Трас.
Во последната кампања за лидер на партијата, тој го поддржа формирањето на поселективни гимназија, откако новите беа забранети од опозициската Лабуристичка партија, но повтори дека „првокласното образование“ треба да биде право на раѓање.
