Диск голф го освојува светот, а го нема во Македонија!? ↓↓↓
Реал Мадрид и официјално се откажа од доведување на Маурисио Покетино на местото наследник на Зинедин Зидан, пренесува „Кадена КОП“, медиумот кој прв ја објави веста за оставката на Зинедин Зидан.
Имено во Реал наводно се надевале дека постои клазула во неговиот договор со Тотенхем и дека ќе можат да го доведат на „Сантиаго Бернабеу“ за симболична оштета.
Сепак, повторно се покажа дека Даниел Леви е навистина одличен преговарач и дека не постои таква клазула во богатиот договор на Аргентинецот.
Од друга страна навивачите на Реал Мадрид го кажаа своето и го избраа Јирген Клоп. Имено, во анкетата спроведена од шпанските медиуми дури 50.000 навивачи го дале својот глас за Германецот.
Сепак, Клоп е исто така „невозможна мисија“ бидејќи има долгорочен договор со Ливерпул, па последната информација од Пиринеите е дека „кралевите“ се насочиле кон Маурицио Сари.
