Диск голф го освојува светот, а го нема во Македонија!? ↓↓↓
Зинедин Зидан на лето планира да прави голема реконструкција на тимот на Реал Мадрид, па на неколку ѕвезди ќе им ја отвори излезната врата, меѓу кои и Герет Бејл.
Раководството на Реал Мадрид веќе го известило Герет Бејл дека планира да го продаде ова лето, притоа изразиле благодарност за неговото однесување од пристигнувањето во 2013 година.
Според шпанските медиуми, „кралевите“ му ветиле на Велшанецот дека како знак на благодарност ќе му го олеснат трансферот во клубот кој тој ќе го избере.
Како што тврди весникот „АС“, од свои инсајдерски извори, Реал планира да му го олесни заминувањето на Бејл, такашто ќе му даде да ја избере својата следна дестинација.
Ова значи дека Бејл е слободен до преговара со клубовите кои се заинтересирани за неговите услуги, а до овој момент, како главни кандидати за негов ангажман се издвојуваат Манчестер Јунајтед и Баерн Минхен.
Меѓутоа, „кралевите“ планираат ова лето најмногу пари да заработат од Бејл, па му поставија цена од 130 милиони евра, па останува да видиме дали заинтересираните клубови се спремни да ја платат оваа сума.
Уште една препрека при реализација на трансферот би можела да претставува неговата нето плата која изнесува 19 милиони евра годишно што ретко кој клуб може да си го дозволи.
Велшанецот за Реал одигра вкупно 227 натпревари и има скор од 102 погодоци и 63 асистенции. Оваа сезона на 38 настапи запиша 14 погодоци и пет асистенции.
Real Madrid have informed Gareth Bale's agent that the player is not part of their plans next season and will allow him to join the club of his choice as long as the offer is right. Bayern and Man United are the two clubs that have shown the most interest in Bale [@Manu_Sainz] pic.twitter.com/FM1ndy3eG8
— Bayern & Germany (@iMiaSanMia) April 10, 2019
