Александар Вучковски - сомелиер: Како македонските вина го освојуваат светот? ↓↓↓
Раперот Мик Мил платил кауција за 20 жени за да можат да ги поминат празниците дома, објави „REFORM Alliance“, организација што ја основал во 2019 година.
Жените биле затворени во поправниот дом Риверсајд во Филаделфија и не можеле да си дозволат кауција, според објавата на Инстаграм на „REFORM Alliance“. Пет жени се ослободени во саботата, а уште 15 ќе бидат ослободени оваа недела, соопшти непрофитната организација. Секоја жена ќе добие и подарок картичка „за да купи намирници или подароци за празниците“.
View this post on Instagram
„За мене беше поразително да бидам далеку од мојот син за време на празниците додека бев во затвор, така што разбирам низ што минуваат овие жени и нивните семејства“, вели познатиот рапер.
„Никој не треба да ги поминува празниците во затвор само затоа што не може да си дозволи кауција и ниту едно дете не треба да остане без родител во тој период ако можеме да направиме нешто околу тоа. Благодарен сум за можноста да им помогнам на овие жени да бидат со своите семејства и најблиските во овој посебен период од годината“, додаде раперот.
