Спорт

Ракитиќ: Ако треба, за Луис Енрике би се фрлил од мост!

Хрватскиот репрезентативец и играч за врска на Барселона, Иван Ракитиќ конечно проговори конфликтот со тренерот Луис Енрике.

Хрватот оваа сезона ужива далеку помалку доверба од Луис Енрике, често се говори дека двајцата не се во најдобар однос и Иван Ракитиќ сака да замине од Барселона.

Се шпекулира дека проблемите настанале по изјавата на Иван Ракитиќ во која играчот го фали Пеп Гвардиола и вели дека сака еден ден да соработува со поранешниот предводник на Барса.

„Нема никаков конфликт меѓу мене и Луис Енрике. Тој ми помогна многу. Уште од првиот ден ми укажа доверба, и ми овозможи да работам мирно и да напредувам“, истакна Ракитиќ.

„Токму тој побара од Барселона да ме купи. Доколку треба да се фрлам од мост поради него, ќе го сторам тоа без двоумење. Со поглед или со насмевка знае да ви даде самодоверба која ви е потребна за успех“, додаде Хрватот.

Advertisements
To Top