Во само неколку дена Владимир Путин успеа да го направи она што сојузниците на НАТО со години се обидуваа да го постигнат: огромно зголемување на воените трошоци во Германија, вели Би-би-си.
Германско оружје за Украина. Дополнителни 1,13 милијарди долари за германската армија. И уставна определба да се постигне целта на НАТО за воени трошоци од 2% од БДП.
Ова веројатно е една од најголемите промени што некогаш биле видени во повоената надворешна политика на Германија.
Пред инвазијата на Украина во четвртокот, таквиот милитаристички став би бил незамислив во Германија. Традиционално Германија се фокусира на дипломатијата и дијалогот, а не на воената моќ, и историски постојат длабоки економски и културни врски меѓу Русија и Германија.
Но руската инвазија на Украина ја шокираше и ги запрепасти германската влада и германските гласачи. Олаф Шолц го нарече Владимир Путин нехуман поттикнувач на војни и вети непоколеблива поддршка за Украина.
Судејќи по аплаузите и стоечките овации за Украина во германскиот парламент и огромните антивоени демонстрации во Берлин денес, се чини дека повеќето Германци се согласуваат со него.
