Диск голф го освојува светот, а го нема во Македонија!? ↓↓↓
Првите луѓе на двете политички најмоќни земји на светот, Америка и Русија, претседателите Доналд Трамп и Владимир Путин, денес во 13 часот ќе го остварат епскиот состанок во претседателската палата во центарот на Хелсинки на својата прва билатерална средба.
Американскиот претседател Доналд Трамп напиша на Твитер, пред средбата со рускиот претседател Владимир Путин, дека американско-руските односи никогаш не биле полоши.
„Нашите односи со Русија НИКОГАШ не биле полоши, благодарение на многуте години американска лудост и глупавост“, напиша Трамп пред самитот во Хелсинки.
Our relationship with Russia has NEVER been worse thanks to many years of U.S. foolishness and stupidity and now, the Rigged Witch Hunt!
— Donald J. Trump (@realDonaldTrump) July 16, 2018
Тоа ги припиша на „ловот на вештерки“ кој според него го спроведува ФБИ со истрагата околу руското мешање во американските претседателски избори.
Трамп на Твитер напиша дека неговиот претходник Барак Обама не обраќал внимание на обвинувањата на ФБИ за руско мешање и дека почнал да ги сфаќа сериозно дури откако Трамп беше избран.
Тој истакна и дека самитот на НАТО бил успех, и дека медиумите неточно пренесувале.
„Добив многу покани од лидери на земји од НАТО кои ми заблагодаруваат на помошта да ги соберам и насочам кон финансиските обврски, сегашни и идни. Имавме навистина добар самит кој неточно беше пренесуван од страна на многу медиуми. НАТО сега е силен и богат“.
