Диск голф го освојува светот, а го нема во Македонија!? ↓↓↓
Пари Сент Жермен остварува одлични резултати оваа сезона, но тренерот Томас Тухел сака дополнително да го засили тимот во зимскиот преоден рок.
Француските медиуми пренесуваат дека гермнаскиот тренер сака играч за врска од светска класа и му доставил на раководството список со три имиња.
На листата со желби се наоѓаат Пол Погба, Сергеј Милинковиќ-Савиќ и Нголо Канте, но доколку не се слободни тие играчи, тогаш ќе се обиде да го ангажира Френки де Јонг од Ајакс.
ПСЖ е доминантен во француското првенство, но главната цел е триумф во Лигата на шампиони, па за да успее во таа цел Тухел сака уште еден врвен играч за врска.
Во прилог на „светците“ им оди и новото правило на УЕФА, па новите фудбалери ќе можат да бидат пријавувани за ЛШ, иако играле со друг тим.
