Advertisements
Славни

Прва ТВ улога после 30 години: Деми Мур ќе глуми во серијата Empire

Актерката Деми Мур ќе се придружи на екипата од серијата Empire, пренесува Variety. Мур ќе глуми медицинска сестра со таинствено минато која се поврзува со семејството Лион.

Првин ќе се појави во финалето од третата сезона оваа пролет, а потоа ќе глуми и во неколку епизоди од четвртата сезона. Ова е прва ТВ улога за Деми од ’80-те години наваму, кога тогаш глумеше во серијата General Hospital. Мур требаше да глуми и во драмата на ABC, 10 Days In The Valley, но се откажа од проектот, а улогата ја доби Кира Сеџвик.

Во третата сезона од Empire се појавува и нејзината ќерка Рамер Вилис, која глуми брилијантна кантавторка, но не е познато дали мајката и ќерката ќе имаат некоја заедничка сцена. Исто така, како Шарлот Фрост, во третата сезона ќе се појави и Ева Лонгорија.

Серијата на Fox се враќа на 22 март.

Advertisements
To Top