The Mummy новиот американски авантуристички хорор потпишан од режисерот Алекс Курцман и сценаристот Џон Спејтс, кој публиката со нетрпение го очекува.
Приказната се базира на веќе проверената премиса со будење на одамна погребана мумија. Откако ковчегот со телото од египетската принцеза Ахманет ќе биде откопан од земјата, за човештвото претстои тешка и жестока борба против мрачните сили кои биле погребани илјадници години.
Улогите во овој филмски спектакл ги играат Том Круз, Софија Бутела, Анабел Волис, Џејк Џонсон, Кортни Б. Венс и Расел Кроу. Премиерата е најавена за јуни, 2017.
