Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Тајни документи со детали за плановите на САД и НАТО да помогнат во подготовката на Украина за пролетна офанзива против Русија се протекле на социјалните платформи, објави во четвртокот Њујорк тајмс.
Пентагон истражува кој можеби стои зад протекувањето на документите, кои се појавија на Твитер, но и на Телеграм, платформа со повеќе од половина милијарда корисници, која е широко достапна во Русија.
Информациите во документите – од кои барем еден носи ознака „строго доверливо“ – се стари најмалку пет недели, а најновиот датира од 1 март, се вели во извештајот.
Во еден текст се споменува планирана обука на 12 украински борбени бригади и се наведува дека девет од нив се обучувани од американски и НАТО-сили, како и дека им се потребни 250 тенка и повеќе од 350 механизирани оклопни возила.
Њујорк тајмс пренесува воени аналитичари што рекле дека се чини дека документите во одредени делови се изменети од нивниот оригинален формат, пумпајќи ги американските процени за загинатите украински војници и намалувајќи ги процените за убиените руски војници.
Овие измени можеби се обид за дезинформации од страна на Москва, велат аналитичарите. Но обелоденувањата на оригиналните документи, кои се појавуваат како фотографии од графикони на предвидените испораки на оружје, силите на војниците и баталјоните и други планови, претставуваат значителен пробив во американските разузнавачки податоци наменети да ѝ се помогне на Украина.
„Без разлика дали документите се автентични или не, треба да се биде многу внимателен со се што е објавено од руски извори“, изјави за Њујорк Тајмс Мајкл Кофман, директор на Одделот за руски студии во Институтот за истражување Арлингтон.
Како пример, Кофман наведува еден од документите каде што пишува дека во Украина биле убиени меѓу 16.000 и 17.500 руски војници, додека Украинците претрпеле околу 71.500 воени жртви.
И Пентагон и другите аналитичари процениле дека руските загуби се значително поголеми – околу 200.000 убиени и ранети, додека украинските загуби се проценуваат на околу 100.000 убиени и ранети.
Официјалните лица на Бајден се обидуваат да ги избришат, но до синоќа не успеале во тоа, вели Њујорк тајмс.
Пентагон соопшти дека го испитува пријавеното нарушување на безбедноста.
„Свесни сме за овие извештаи на социјалните мрежи и Стејт департментот го разгледува ова прашање“, рече заменик-портпаролката на Стејт департментот, Сабрина Синг.
