Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Просечната нето-плата во мај 2020 година, или во сред КОВИД-19 кризата, е за 1.120 денари повисока во однос на истиот месец лани и изнесувала 26.390 денари. Просечната исплатена нето-плата е повисока и за 560 денари во однос на април 2020, соопшти министерката за финансии Нина Ангеловска.
Од почетокот на КОВИД-19 кризата Владата презема повеќе мерки за зачувување на работните места и одржување на нивото на платите.
Конкретно, во мај:
– Со мерката финансиска поддршка од 14.500 денари по вработен, со 1,7 милијарди денари поддржани се 19.956 работодавачи во кои работат 118.069 вработени
– Со мерката финансиска поддршка од 14.500 денари со 86,8 милиони денари поддржани се 5.985 самостојни вршители на дејност
– Со мерката субвенционирање на придонеси во време на вонредна состојба во мај се поддржани 2.463 фирми
Мерката за финансиска поддршка од 14.500 денари по вработен за исплата на плата, продолжи и во јуни, односно за трите месеци се исплатени над 76 милиони евра на фирми и самостојни вршители на дејност, додава таа.
