На паркинг пред продавницата „Волмарт“ во Сан Антонио, Тексас, најден е камион со приколка во која се наоѓале осум безживотни тела, меѓу кои две детски, пренесуваат американските медиуми.
Возачот на камионот е веднаш уапсен, а неговото име не е соопштено. Во приколката се наоѓале 38 луѓе, а 20 се наоѓаат во тешка состојба.
Шефот на полицијата во Сан Антониот, Вилијам Мекманус, изјави дека ги пронашле телата откако еден од вработените во продавницата повикал полиција. Човекот кој повикал полиција, рекол дека некој од камионот му побарал вода.
