Диск голф го освојува светот, а го нема во Македонија!? ↓↓↓
Професорката Гордана Силјановска Давкова е еден од најголемите експерти по уставно право во емисијата „60 минути на Алфа Телевизија” ги критикуваше разговорите за името, како и последниот предлог закон за двојазичност.
Таа вели дека со разговорите за името Грција се вмешува директно во внатрешните работи на Македонија. Било која друга држава не би се осудила да на овој начин да се вмешува во внатрешните работи на една држава, бидејќи името на внатрешен план е дел од суверенитетот на една држава заедно со знамето, химната и јазикот е дел од правото на самоопределување на една држава. Со привремената спогодба Грција посредно ја има признаено Македонија, Македонија под уставното име е признаено од 137 држави, а барањето за ерга омнес на Грција е игнорирано додаде таа.
Сиљановска истакна дека има големи резерви во однос на географска одредница за името, бидејќи според неа се работи за конфликт на деноминација.
-Смешно е да се тврди оти било каква промена на името со географска одредница нема врска со идентитетот, тие две нешта се неразделни. Правнички кажано името е најважниот идентитетски знак. Во однос на ситуацијата што и се случува на Македонија во моментот ја окарактеризира како отсуство на државничко однесување и го критикуваше не посегање по внатрешен консензус за прашањето за името, рече таа.
Според професорката со промената на името на аеродромот и автопатот кое го најави Заев директно се наштетува на преговарачката позиција на Македонија во спорот.
-Со тоа Македонија потврди дека не верува во пресудата од Хаг. Меѓународниот суд на правдата докажал оти Македонија не е страната која ја прекрши привремената спогодба со Грција, ниту со спомениците, ниту со имињата на автопатот или пак аеродромот, рече Сиљановска.
Сиљановска за крај додаде „Се сеќавам на време кога аеродромот во Солун се викаше Микра, а универзитетот, универзитет во Солун сега аеродромот се вика Македонија, а универзитетот Аристотел“.
Во врска со законот за јазици, со кој Македонија станува двојазична, таа вели дека законот е противуставен.
-Јас немам ништо против проширување на употребата на јазикот кој што го зборуваат 20% во случајот значи албанскиот јазик. Но како професор по Уставно право инсистирам на владеење на правото. Значи може да се смени Уставот и да се воведат други одредби, рече Сиљановска Давкова.
Таа констатираше дека најголеми закани за прифаќање на усвојување на Законот за јазиците добил претседателот на Република Македонија, Ѓорѓе Иванов.
-Ако моите родители биле тепани да пишуваат и зборуваат на српски јазик, ако баба ми и дедо ми исто така морале да зборуваат бугарски јазик едно време, таа асоцијација е лоша, а богами за владеење на Втората светска војна во западниот дел на Македонија и документите и актите биле на албански јазик. Значи заканите не можам да ги разберам бидејќи ние и од говорница чувме дека „Ако не сакате , ќе морате да го учите, рече Сиљановска Давкова.
