Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Премиерот на Австралија, Ентони Албаниз, денеска изјави дека лично побарал од американските власти да се откажат од гонењето на основачот на Викиликс, Џулијан Асанж.
– Што е многу, многу е – порача Албаниз.
На 51-годишниот австралиски државјанин Асанж во САД му се суди за објавување на повеќе од 700.000 доверливи документи од 2010 година за американските воени и дипломатски активности, особено во Ирак и Авганистан.
„Помина извесно време откако го пренесов мојот став дека она што е премногу е премногу. Јас лично го покренав прашањето со претставниците на американската Влада. Мојот став е јасен“ – рече Албаниз.
Додаде дека дури и не поддржува извесен број акции кои ги презел Асанж, но се прашува каков е интересот за судски процес, кој може да трае со години. Асанж, австралиски државјанин, води долгогодишна правна битка пред британските судови за да избегне екстрадиција во САД, каде се соочува со 17 точки од обвинението за шпионажа и едно обвинение за злоупотреба на компјутер.
