Прашања што ќе ви помогнат да откриете дали сте зависни од храна

Иронично, но зависноста од храна не е слабост што ја имаат само луѓе со вишок килограми…

Ве охрабруваме да се тестирате и да откриете дали имате проблем со зависност од храна.

Што претставува зависноста од храна?

Зависноста од храна е сериозен проблем кој, за жал, сè уште нема прецизно објаснување во науката. Сепак, истражувањата покажале дека оваа зависност може да се појави кај луѓе од сите возрасти и со различни типови на тело. Овој однос кон храната може да се манифестира на различни начини: некои лица се опседнати со броење калории, други внимаваат на секој залак, додека некои редовно се прејадуваат.

На прв поглед, зависноста од храна може да изгледа безопасна, како кога секое утро пиете кафе или кога сакате нешто благо по вечерата. Но, кога лицето ќе се откаже од својата „омилена“ навика, често чувствува раздразливост, непријатност, а понекогаш и паѓа во депресија.

15 прашања што ќе ви помогнат да си поставите дијагноза

1. Дали сте се обиделе да престанете да јадете, но едноставно не сте можеле да се запрашите?

2. Колку често размислувате за храна и за вашата телесна тежина?

3. Дали постојано држите диети што не даваат никакви резултати?

4. Дали се ослободувате од храната со повраќање или со употреба на лаксативи?

5. Дали храната има поинаков ефект врз вас кога јадете сами отколку со пријатели?

6. Дали јадете голема количина храна наместо неколку мали оброци во текот на денот?

7. Дали јадете од досада, дури и кога не сте гладни?

8. Дали се криете кога јадете или јадете скришно од другите?

9. Дали сте од оние кои јадат многу, а сепак постојано зборуваат дека речиси ништо не јадат?

10. Дали сте опседнати со бројот на калории и постојано размислувате како да ги согорите во текот на денот?

11. Дали чувствувате срам по оброкот?

12. Дали криете храна за да бидете сигурни дека ќе имате доволно?

13. Дали некогаш сте украле храна?

14. Дали мислите дека „вистинскиот живот“ ќе започне дури откако ќе ослабете?

15. Дали слабеењето за вас изгледа како недостижна цел?

Секој ваш потврден одговор е уште еден знак дека можеби имате или може да развиете зависност од храна.

Како да се справите со овој проблем?

Првин, престанете постојано да броите калории и детално да проучувате секој производ. Здравиот начин на живот не се темели на броење, туку на тоа што внесувате. Постојат многу производи кои се корисни дури и во неограничени количини, без оглед на нивната калориска вредност.

Заборавете на кафето на празен стомак. Да, знаеме дека е тешко, но тоа е дел од нездравата навика – особено ако пиете кафе со шекер и млеко. Наместо тоа, обидете се да го замените со незасладен зелен чај и намалете го внесот на шеќер.

Ако ништо не помага, побарајте совет од стручно лице, како нутриционист. Тоа ќе ви помогне да го промените вашиот однос кон храната и да постигнете рамнотежа во исхраната.