Познатиот автор на бестселери открива 3 вида секс што мора да ги имате со вашиот партнер
Авторот на бестселерот „Мажите се од Марс, жените од Венера“, Џон Греј, истакнува дека секој пар редовно треба да практикува три вида секс…
Секс, водење љубов, интимност, работење „она“ – сè е поромантично и подобро од официјалниот термин „сношaj“. Но, без разлика како го нарекувате, Џон Греј нагласува дека секој пар треба редовно да практикува три вида секс:
1. Гурмански секс
Многу време, труд и љубов се вложени во овој тип на секс. И тоа не само во чинот, туку и во амбиентот и подготовката. Романтична средба е предуслов, а карактеристични се и посебно уреден простор, секси долна облека…
„Имате цела вечер да изградите тензија, а потоа да ја ослободите преку секс. Тоа е гурманскиот секс“, објаснува Греј.
2. Стариот, добар домашен секс
Греј го опишува како „типичен, хранлив секс“, кој е помалку возбудлив од гурманскиот, но најзначаен за врската.
„Најчесто трае околу 30 минути, со добри 15-20 минути предигра и стимулација. Го извршувате чинот и потоа се гушкате“, објаснува Греј, кој додава дека овој тип секс треба да биде „задолжителен“ барем еднаш или двапати неделно.
3. Брз секс
Без разлика дали се работи за орален секс или брза страсна сесија, Греј истакнува дека ова е одличен начин да вметнете секс во преполн распоред. Покрај тоа, има нешто возбудливо и инстинктивно во него, што ја поттикнува страста и ги прави партнерите да се чувствуваат посакувано.
