Последните фотографии од кениската Кралица на слоновите оставаат без зборови

Повеќе од 60 години слоницата позната како F_MU1, скиташе низ низините на Цаво, во Кенија. Беше една од последните преостанати африкански „супер-бивнасти“, наречени така поради огромните бивни кои им допираат до земја.

 

View this post on Instagram

 

A post shared by Will Burrard-Lucas (@willbl) on Mar 9, 2019 at 8:11am PST

Британскиот фотограф Вил Барард-Лукас направи неверојатни фотографии од оваа слоница, пред таа да почине од старост. „Да постоеше кралица на слоновите, тоа сигурно ќе беше таа“, вели фотографот за Newsbeat.

 

View this post on Instagram

 

A post shared by Will Burrard-Lucas (@willbl) on Mar 12, 2019 at 7:22am PDT

Во Африка има останато помалку од 30 вакви слонови, пренесува ВВС. Вил на овој фотографски проект работел 18 месеци, а подетално за ова искуство можете да прочитате на неговиот блог.

Прв пат кога ја видел, останал без зборови. „F_MU1 беше слаба и стара, но одеше напред со достоинство“, пишува фотографот на блогот. „Нејзините бивни беа толку долги што ја гребеа земјата пред неа. Беше како реликт од минатите времиња“.

 

View this post on Instagram

 

A post shared by Will Burrard-Lucas (@willbl) on Mar 12, 2019 at 11:18am PDT

„Го преживеа периодот на страшното ловокрадење и за неа беше победа тоа што нејзиниот живот не заврши во замка, со куршум или со отровна стрела“, додава Вил.

 

View this post on Instagram

 

A post shared by Will Burrard-Lucas (@willbl) on Mar 7, 2019 at 1:43am PST

Фотографиите од Вил ќе бидат објавени во неговата нова книга, Land of Giants, а некои од нив тој ги објави на Инстаграм.

Последната фотографија од F_MU1 ја направи покрај вода. „Беше тоа чувство на привилегија и еуфорија кое засекогаш ќе остане во мене“, додава тој.