Диск голф го освојува светот, а го нема во Македонија!? ↓↓↓
Како што имавме можност да дознаеме, новата и последна сезона од планетарно популарната серија „Game of Thrones“ стигнува во април 2019 година. Ќе има само шест епизоди и изгледа тие ќе бидат доволни за да нè остават без зборови.
Режисерот Дејвид Натер потврди дека ќе станува збор за долги епизоди, но и дека за епското финале се подготвуваат неверојатни пресврти.
„Ако ја споредиме осмата сезона со епизодата Red Wedding, морам да ви речам само едно – спремете се за нешто посебно. Ќе биде спектакуларно, инспиративно и задоволително. Ќе има премногу изненадувања и шокантни моменти“, одговори Натер за време на гостувањето на Reddit AMA.
За оние кои можеби не знаат, „Red Wedding“ се смета за епизода во која се случи еден од најголемите и најшокантни пресврти во серијата, а во неколку минути настрадаа голем број клучни ликови.
Додуша, во оваа фаза од серијата смртта на главните ликови и не е веќе толку шокантна, а единствено прашање е дали најавениот нов пресврт ќе биде уште еден голем „масакр“ или нешто друго.
Натер за крај додаде: „Војската на Белите шетачи нема да биде единствен проблем со кој ќе се соочуваат ликовите во осмата сезониа. Ќе има и меѓусебни судири“.
