Моабет со Борче Стаменов, креаторот на "Донирај компјутер" ↓↓↓
Сите училишта во иранскиот главен град Техеран од вчера се затворени поради лошиот квалитет на воздухот кој се смета за опасен, јави државната телевизија.
Основните училишта беа затворени во последните три дена во Техеран, кој има повеќе од 10 милиони жители, но поради зголеменото загадување од вчера се затворени сите училишта.
Часовите се одржуваат онлајн.
Слични мерки се најавени и за соседната провинција Алборз. Училишната недела во Иран трае од сабота до среда.
Надлежните ги повикаа и постарите, болните и децата да преземат мерки на претпазливост.
Воздухот во Техеран е меѓу најзагадените во светот, а училиштата редовно се затвораат поради лошиот квалитет. Смогот е предизвикан од густиот сообраќај, како и од фабричко загадување и обично се влошува во зимскиот период.