Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Специјалното јавно обвинителство денеска се пожали дека тешко оди соработката со Основниот суд Скопје 1- Скопје, односно дека Судот не ги одобрува нивните барања за претрес кај функционери.
Барањата се однесуваа на различни предистражни и истражни постапки кои ги спроведува ова Јавно обвинителство. Во прилог на нашите барања беа доставени докази и разговори од незаконското следење на комуникациите од кои произлегува надлежноста на ова Јавно обвинителство. Иако барањата беа предадени на дежурниот судија, сепак од непознати причини за ова Јавно обвинителство, дежурниот судија беше заменет и барањата беа доделени на други судии на постапување. Одлуки по повод нашите барања беа донесени по истекот на законските рокови, со што постапката се одолговлекува и се оневозможува итност во постапувањето. Имено, ЗКП предвидел кратки рокови и тоа по барањето за издавање наредба за претрес судијата е должен да донесе одлука во рок од 12 часа, а доколку изрази несогласност, тогаш кривичниот совет треба да одлучи во рок од дополнителни 24 часа, се вели во соопштението на СЈО.
Од страна на судот била издадена само една наредба за претрес и тоа на ден 25.01.2016 година, при што бил извршен претрес на една локација во Скопје, за потребите на истражната постапка во предметот под работен наслов „Титаник“.
Сите останати барања за издавање на наредби за претрес, кои се однесувле на сегашни и поранешни високи функционери, се одбиени.
Имено, судиите за претходна постапка на кои им биле доделени овие предмети и тоа судијата Елена Јосифовиќ и судијата Александра Поп Стефанија изразиле несогласност по барањата за определување наредба за претрес, а кривичните совети во состав од судиите Љубинка Башеска, Горан Бошевски и Владимир Панчевски, од судиите Владимир Панчевски, Ленка Давиткова и Диана Груевска Илиевска и од судиите Ленка Давиткова, Диана Груевска Илиевска и Ивица Стефановски ги уважиле изразените несогласности на судиите за претходна постапка. Би укажале и дека до ова Јавно обвинителство сеуште не се доставени записниците, ниту пак снимките од одржаните рочишта по повод поднесените обвинителни предлози во случаите за насилството во општина Центар и за уништената документација во Управата за безбедност и контраразузнавање, велат од СЈО.
