Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Јунис Гајсон, актерката која на филмското платно ја играше првата Бонд девојка, почина на 90-годишна возраст.
Јунис ја глумеше Силвија Тренч во дебитантското филмско појавување на агентот 007 во 1962 година во филмот „Dr. No“, а истата улога ја повтори и во вториот филм за славниот таен агент Џејмс Бонд, „From Russia With Love“.
Во текот на снимањето Гајсон му помогнала на Шон Конери да се смири, кој наводно бил нервозен пред за прв пат да ја изговори една од најславните филмски реплики – „Bond, James Bond“.
Comment from Michael G. Wilson and Barbara Broccoli: “We are so sad to learn that Eunice Gayson, our very first ‘Bond girl’ who played Sylvia Trench in DR. NO and FROM RUSSIA WITH LOVE has passed away. Our sincere thoughts are with her family.” pic.twitter.com/W0UOcDEuZq
— James Bond (@007) June 9, 2018
Веста за смртта на актерката беше објавена на нејзината официјална Твитер страница, а од неа се простија продуцентите од серијалот за Бонд, Мајкл Џ. Вилсон и Барбара Броколи.
Џејмс Бонд во првиот филм го запозна во казино, каде му предложи да го зголеми влого. „Се восхитувам на вашата храброст, госпоѓице…хм…?“, беше репликата на Бонд. „Тренч, Силвија Тренч. Се восхитувам на вашата среќа, господине…?“, му одговори таа, по што следеше добро познатата фраза: „Бонд, Џејмс Бонд“.
We are very sad to learn that our dear Eunice passed away on June 8th. An amazing lady who left a lasting impression on everyone she met. She will be very much missed. pic.twitter.com/c5kVHs256Y
— Eunice Gayson (@EuniceGayson) June 9, 2018
Гајсон е родена во Сиреј, 1928 година. Пред да стане Бонд девојка, глумеше во голем број филмови и серии, а последен пат на екранот се појави во далечната 1972 година.
