Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Во својата 87 година од животот, во Германија, почина најдобриот германски писател по втората светска војна Гинтер Грас, пренесува МИА.
Добитникот на нобеловата награда за литература кој се прослави со своите драми, новели и драмски текстови често пати беше нарекуван „совест на својата генерација“ поради неговата осуда на нацизмот. Неговото признание дека во втората светска војна бил дел од „Вафен СС“ силите односно на военото крило на Национал Социјалистичката партија на Хитлер предизивка сензација во јавноста пред сè поради неговите предходни критики на нацизмот.
Во објаснувањето зошто во 1999 година ја доби Нобеловата награда за литература шведската академија ги цитираше неговите зборови „за жртвите, за губитницте и лагите кои што луѓето сакаат да ги заборават затоа што негогаш верувале во нив“.
Признанието дека бил од хитлеровите одреди на смрта дадено по 6 децении ја разниша неговата репутација како морална икона, а неговиот биограф Михаел Јургс напиша дека тој ја предал целата своја генерација.
На 15 години доброволно се пријавил за служба во германската морнарица каде што бил одбиен а во 1944 година на 17 годишна возраст бил мобилизиран во СС силите.
Тврдеше дека никогаш не испукал ниту еден куршум за време на втората светска војна. Негово најпознато дело е романот „Лимениот барабан“ издаден во 1959 година. Гинтер Грас е роден во Данциг, денешна Полска.
