Александар Вучковски - сомелиер: Како македонските вина го освојуваат светот? ↓↓↓
Култниот моден дизајнер Карл Лагерфелд почина на 86-годишна возраст, пренесува француското списание Closer.
Легендарниот моден дизајнер кој беше креативен директор на култниот бренд Chanel почина во својата 86. година од животот. Тој ги пропушти последните два модни настани од Chanel во Париз, кои се одржаа минатиот месец, но модната компанија изјави дека дизајнерот само се чувствува уморно.
Лагерфелд е роден во 1933 година, во Хамбург, а на чело на модната куќа која ја основаше Коко Шанел, беше повеќе од три децении. Годишно издаваше до осум колекции кои беа секогаш освежување и радост за модните уредници, обожавателите и колекционерите.
Германскиот дизајнер го промени неговото оригинално презиме Лагерфелт во Лагерфелд, бидејќи веруваше дека ова второво „звучи покомерцијално“. Беше еден од најплодните дизајнери во модната индустрија, а дизајнираше колекции и за сопствениот бренд и модната куќа Fendi.
“To design is to breathe, so if I can’t breathe I’m in trouble” RIP @KarlLagerfeld #karlargerfeld ?
— henry holland (@henryholland) February 19, 2019
Лагерфелд беше познат и по својот впечатлив изглед во доцните години од животот, редовно облечен во темни одела, со репче и темни очила за сонце. „Јас сум како карикатура на самиот себе и тоа ми се допаѓа“, имаше изјавено тој за својот изглед.
Причината за смртта на славниот дизајнер уште не е потврдена, но голем број почитувачи на неговото дело веќе се простуваат од него на социјалните мрежи.
