Повеќето јадења што ги подготвува просечната домаќинка не носат со себе епитет на елеганција.
„Проблемот“ не е во нивната несовршеност, туку во тоа што најчесто им недостасува некој фин состојок поради кој би можеле да се опишат како такви. Ако на наједноставната пилешка комбинација ѝ додадете бело вино, ќе направите совршен потег што вашите кулинарски вештини ќе ги подигне на сосема ново ниво. Денес ви претставуваме јадење што ќе ги разбуди сите ваши сетила.
Потребно:
- 1,5 кг пилешко (копани, крилца, батаци)
- сол и бибер
- 2 лажици путер
- 4 тенко сечени парчиња сланина, исечени на коцки
- 1 главица кромид
- 3 чешниња лук
- 400 г печурки
- 2 шолји суво бело вино
- 1 лажица сенф
- ½ шолја павлака
- ¼ шолја свежо сечкан магдонос
Подготовка:
Пилешкото добро да се зачини со сол и бибер. Во поголема тава да се стопи путерот на средна температура. Пилешкото да се стави во тавата и да се пржи околу 5 минути од секоја страна. Потоа да се извади од тавата и да се остави на страна.
Во истата тава да се додаде сланината и да се пржи додека не се стопи нејзината маснотија. Потоа да се додаде исечканиот кромид и да се динста околу 5 минути. Да се додадат лукот и печурките, па да се динста уште 5 минути.
Пилешкото да се врати во тавата и да се прелие со белото вино. Да се додаде сенфот и сè заедно да се готви поклопено на тивок оган околу 20 минути. На самиот крај да се додаде павлаката, оставувајќи јадењето отклопено уште 5 минути додека не се згусне. Пред сервирање, да се пороси со свеж магдонос.
