Дали постои некој што може да одолее на совршениот мирис на такосите?
Дури и ако не сте љубители на зачинета храна, можете да уживате во овој специјалитет, бидејќи е повеќе од прилагодлив за модификации, без да го изгуби својот фантастичен вкус. Но, дали знаевте дека пилешките такоси можете брзо и лесно да ги подготвите и дома? За целата авантура ви треба само половина час, а резултатот ќе биде, најблаго речено, фантастичен.
ПОТРЕБНО:
- 1 лажица екстра девствено маслиново масло
- 1 шолја грубо сечкан кромид
- 2 чешниња лук, ситно исечкани
- 3 лажици пасирана лута пиперка
- 1 лажичка сув оригано
- ½ лажичка мелен ким
- ¾ шолји конзервиран доматен пире
- ¼ шолја пилешки бујон
- ½ лажичка сол
- 3 шолји сечкано пилешко месо на скара
- 10 пченкарни тортиљи
- 2 зрели авокада, исечени на тенки кришки
- ¼ шолја сечкан свеж магдонос
- Котија сирење (котиха – мексиканско сирење од кравјо млеко)
- Кришки лимета
ПОДГОТОВКА:
Загрејте тава на средна температура. Додајте масло, па ставете го кромидот и динстајте додека не омекне, околу 5 минути. Додајте го и лукот, па динстајте уште една минута. Потоа додајте ја пасираната лута пиперка, ориганото и кимот, заедно со доматниот пире, бујонот и солта. Оставете да зоврие и гответе околу 5 минути.
Добиената смеса ставете ја во блендер и мешајте додека не стане совршено мазна. Потоа, вратете ја во тавата и варете на тивок оган. Додајте го сечканото пилешко месо и мешајќи, гответе уште околу 5 минути. Прилагодете ги зачините по вкус.
Загрејте ги тортиљите на сува тава и преместете ги на чинија кога ќе заруменат. Додека се сè уште топли, на секоја тортиља ставете пилешко со сос, па украсете со кришки авокадо, магдонос, кромид и котија сирење. Исцедете лимета врз сè и сервирајте веднаш.
