Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Пријателите го пријавиле за исчезнат 50 -годишниот Бајхан Мутлу во руралната населба во близина на турскиот град Енегул, после бурна ноќ помината во пиење алкохол, а локалната полиција изјави дека тој залутал во шумите додека бил пијан и дека не се појавил повторно.
Екипите за пребарување и спасување од регионот Бурса започнале да ја пребаруваат областа во обид да го пронајдат Мутлу, при што неколку локални жители се приклучиле во потрагата откако се раширила веста за ситуацијата.
Потрагата, која се фокусирала на шумската област каде што Мутлу последен пат бил виден, првично не резултирала со трага, но работите наскоро добиле неочекуван пресврт.
Кога групите за потрага и спасување почнале да го изговараат името на Мутлу, еден човек кој помагал во потрагата прашал: „Кого бараме? Јас сум тука “, откривајќи дека цело време им бил „под носот“.
Не е јасно како Мутлу се вклучил во потрагата или како неговите пријатели не сфатиле дека тој е со нив и се бара себеси, но за среќа се` завршило добро.
Наводно, Мутлу бил вратен безбедно во својот дом, оставајќи ја полицијата да го поднесе она што сигурно ќе биде најчудниот извештај за случај со исчезнати лица што некогаш го поднеле.
Извор: Мотика
