Александар Вучковски - сомелиер: Како македонските вина го освојуваат светот? ↓↓↓
Во денешни услови, кога се прекршени многу поранешни стандарди и се востановени многу и разни други естетски стилови и вкусови, при расудувањето за добар естетски дизајн тешко може да се донесе конечна одлука и прецизна оценка. Затоа, во таков случај, секогаш е добро да се повикаме на старите добри и непобитни научни принципи.
Токму тоа го направи британскиот Carwow , кој одлучи да го примени златното правило за убавина и естетика (правило на „златен пресек“) врз автомобилите. Математички базираниот структурен термин се користи во уметноста со векови, и едноставно кажано, тоа е начин да се одреди естетска вредност со делител од приближно 1,6 што е златниот број на убавина.
Доколку се примени овој закон, во кој помалиот дел кон поголемиот се однесува како поголемиот према целината, се добива неочекувана листа. Најубавиот автомобил во изминатата деценија е малиот Smart, бидејќи златното правило за убавина го исполни со 98,83%.
На второ место во Топ 5 листата според овој принцип е рангиран Volkswagen Up! (98,62%).
После него следат Opel Mokka (98,57%) на трето место, Тоyota Corolla (98,56%) четврта и Nisan Micra (98,55%) петто место.
Ако се прашувате каде се супер автомобилите на Lamborghini, можеби ќе се разочарате кога ќе ви кажеме дека се на дното, некаде околу 500-тo место . Најгрдиот автомобил според овој принцип на естетска валоризација е Ford Fiesta ST позициониран на 626. место со само 34,31% поклопување со древното правило за убавина.
Целосната листа и класификација можете да ја разгледате ТУКА.
