Овој прв јунски петок во Македонија ќе имаме сончево време со умерена облачност и со умерен до засилен ветер од јужен правец. Кон крајот на денот и во текот на ноќта ќе има локални врнежи од дожд, претежно во западните делови.
Максималните дневни температури ќе бидат во Скопје 26 Целзиусови степени, Маврово 18, Охрид 22, Битола и Крива Паланка 24, Берово 23, Кавадарци 28, Дојран 29.
Утре времето ќе биде променливо облачно, нестабилно со локален пороен дожд, грмежи и засилен ветер. Дневните температури ќе достигнат вп Скопје 23, Маврово 17, Охрид 19, Бирола 22. Крива Паланка 21, Берово 20, Кавадарци и Дојран 25 степени.
Прогнозата за в недела е сончево и топло со мала до умерена облачност. Попладне ќе има услови за локален пороен дожд и грмежи, а дневните температури ќе се движат од 23 до 30 степени.
