Кој ќе тепа на Ел Класико!? ↓↓↓
Има неколку работи кои можете да ги преземете ако сакате максимално зголемување на продуктивноста и ефективноста на тренинзите.
Овие совети и практики не се големчекор, но нудат ефикасни и докажани резултати. Испробајте ги и уверете се сами.
1. Интервален тренинг
Ако сакате да го забрзате својот метаболизам, како и согорувањето на калориите, испробајте интервален тренинг кој подразбира 30-90 секунди интензивно практикување на вежби, а потоа не предолго и воедначено одморање помеѓу сериите, со цел опоравување на организмот.
Сета таа програма на серии и интервални вежби повторете ја од 4 до 10 пати во текот на тренингот, зависно од кондицијата. Со ваков начин на тренинг ќе согорувате калории за време на вежбањето, но и долго после него.
2. Суперсетови
Во тренингот за сила, повеќето тренинзи вклучуваат практикување на сетови од вежби, одмор, а потоа преминување на друг сет вежби. Тоа често значи дека вашиот тренинг содржи доста одмор, па ви советуваме да ги испробате таканаречените суперсетови, односно два сета вежбање без одмор кои подразбираат вежбање на различни, оддалечени групи на мускули. Тоа ви е полесно, но не прелесна опција, која ќе ви помогне да согорите повеќе калории.
3. Кардио тренинг после тренинг за сила
Кога кревате товар, ги користите и трошите јаглехидратите од вашите мускули (гликоген). После тоа, главен извор на „гориво“ за вашето тело почнуваат да претставуваат мастите. Со практикување на кардио тренинг после тренингот за сила, го принудувате телото да се потпре на мастите како извор на енергија за вежбање, особено ако правите тренинг за сила на целото тело.
За дополнителен ефект правете кардио тренинг со кратки, но интензивни интервали после тренингот за сила, а кој не треба да трае повеќе од 20 минути, советуваат од Health and Style.
4. „Мултитаскинг“
Додека мултитаскингот често може да биде лош во бизнис светот, кога станува збор за вежбање, тој за вашето тело може да биде не само корисен, туку и одличен. Кога тренирате за сила, постојат две основни групи на вежби – изолирани и сложени вежби. Сложените вежби истовремено активираат повеќе мускули групи, па не треба многу да се објаснува зошто тие се поефективни и трошат повеќе калории. Погрижете се вашиот тренинг во 80 насто од времето да вклучува такви вежби за уште подобри и побрзи резултати.
5. Пасивен одмор
Од денес заборавете на пасивниот одмор за време на транингот кој често се нарекува и „загубено време“ во смисла на загуба на време за трошење на калории. Наместо само пасивно да чекате да почнете со следниот сет вежби, бидете активни и правете лесни кардио вежби. Пример, можете малку брзо да одите, да правите мали скокови и слично. Запаметете дека сè друго е подобро од седење или стоење во место.
