Диск голф го освојува светот, а го нема во Македонија!? ↓↓↓
Македонскиот интернационалец Перо Антиќ беше видно расположен после победата на неговата Црвена Звезда во градското дерби над Партизан.
Антиќ со 13 поени и осум скока имаше одличен настап во дербито против Партизан кое црвено-белите го добија со 100:84.
„Сите очекувавме ваков меч. Секое дерби е тешко само по себе и знаеме дека треба да дадеме 100% од силите. Постигнавме 100 поени, а тоа е поради одличните тренинзи. Во клучните моменти добивме самодоверба, постигнувавме поени од секаде и заслужено победивме. Како што и претходно реков, вакви дерби натпревари се добиваат само со срце, а фановите ни дадоа дополнителна енергија“, изјави Антиќ.
Потоа Македонецот беше запрашан дали го забележал Бастиан Швајнштајтер, кој допатува во Белград специјално да го бодри Партизан.
„Кој е тој? Не го ни забележав. Се шегувам, знам кој е тој, но не следам фудбал“, во елемент беше Перо.
