Претседателот на Реал Мадрид, Флорентино Перез би можел да направи уште еден одличен потег и да го донесе еден од најдобрите спортски директори во Европа.
Станува збор за легендарниот директор на Милан, Адриано Галиани, кој наскоро и официјално ќе ги напушти „росонерите“ после цели 30 години.
Според наводите на италијанските и шпанските медиуми Перез веќе контактирал со Галиани и му понудил место спортски директор и негов советник на „Сантиаго Бернабеу“.
Познато е дека двајцата се одлични пријатели, па доколку Галиани ја прифати понудата тоа сигурно ќе биде големо „засилување“ за „крласкиот“ клуб.
Галиани важи за еден од најдобрите спортски работници во светот и човек кој го создаде големиот Милан. Иако во последните неколку години работеше со лимитиран буџет, сепак важи за еден од најпочитуваните луѓе во фудбалот и човек кој „прави чуда“.
