Диск голф го освојува светот, а го нема во Македонија!? ↓↓↓
Познато е дека Давид де Геа е голема опсесија на претседателот на Реал Мадрид Флорентино Перез и ќе направи се за да го донесе на „Сантиаго Бернабеу“.
Шпанските медиуми тврдат дека Перез спрема понуда која „црвените ѓаволи“ нема да можат да ја одбијат. Имено, Реал е спремен да понуди двајца играчи плус пари, така што обештетувањето за Де Геа да достигне до 100 милиони евра.
Станува збор за Матео Ковачиќ и Кејлор Навас. Мурињо е силно заинтересиран за Хрватот во кого гледа идеална замена за Мајкл Керик, а Навас би бил адекватно решение за голманската позиција.
Де Геа неодамна го продолжи договорот со „црвените ѓаволи“, но медиумите тврдат дека сака да се врати во Шпанија.
Останува да се види како ќе реагира Манчестер Јунајтед на оваа понуда, но јасно е дека Реал нема лесно да се откаже од шпанскиот репрезентативец.
