Актуелно

Пендаровски за еден ден собра над 32.000 потписи за претседателска кандидатура

Од владејачката СДСМ објавија дека нивниот коалициски кандидат за претседател на Северна Македонија, Стево Пендаровски, за само еден ден собра над 32.000 потписи за поддршка на неговата кандидатура.

„За еден ден собрани над 32.000 потписи за Стево, им благодариме на граѓаните за масовната поддршка, одиме кон победа за доброто на државата.

Граѓаните низ целата држава масовно се одзваа на повикот преку потписи да дадат поддршка на заедничкиот кандидат за претседател, Стево Пендаровски.

За само еден ден, над 32.000 граѓани се потпишаа за кандидатурата на Стево.

Со тоа, кандидатурата на Стево е единствената кандидатура за претседател на државата којашто е поддржана практично од над 30.000 граѓани, над 30 политички партии и 60 пратеници.

Македонци, Албанци, Срби, Турци, Роми, Власи, сите етнички заедници, сите заедно се обединија околу Стево.

Како одговорна и државотворна партија, им се заблагодаруваме на сите граѓани, на сите коалициски партнери, на сите пратеници кои дадоа поддршка за Стево.

Одиме сите заедно со Стево, партии, пратеници, граѓани, одиме сите заедно кон една голема победа за доброто на нашата држава, за подобра иднина за нашата и идните генерации“.

Advertisements
To Top