Александар Вучковски - сомелиер: Како македонските вина го освојуваат светот? ↓↓↓
Пет илјади евра е разликата меѓу платите на македонскиот претседател Стево Пендаровски, која изнесува 1.512 евра, и платата на претседателот на Бугарија, Румен Радев, кој зема 6.525 евра, објавуваат бугарските медиуми.
Претседателот на Србија, Александар Вучиќ, месечно е платен со 1.700 евра. Неговата колешка од Словенија, Наташа Пирц Мусар, добива плата од 3.322 евра месечно.
Претседателот на Хрватска Зоран Милановиќ за функцијата што ја извршува добива 3.000 евра. Членовите на Претседателството на Босна и Херцеговина Денис Бечировиќ, Желка Цвјановиќ и Жељко Комшиќ на своите работни места месечно заработуваат по 2.922 евра.
Претседателската плата на новиот црногорски претседател, Јаков Милатовиќ ќе биде 2.420 евра.
Во регионот најплатен претседател е бугарскиот, Румен Радев, кој месечно заработува 12.762 лева или 6.525 евра.
