Advertisements
Актуелно

Пендаровски им порача во Брисел: Не бараме незаслужена награда, туку заслужена шанса

На заедничката прес-конференција која ја одржаа македонскиот претседател Стево Пендаровски и претседателот на Европскиот совет, Доналд Туск, во Брисел, Пендаровски на европските бирократи им порача дека Европската Унија има историска можност да покаже лидерство и визија за иднината на нашиот регион со тоа што ќе додели датум за преговори на Македонија.

„Граѓаните на Македонија не бараат незаслужена награда, туку заслужена шанса за изградба на европска држава со праведно, хумано и напредно општество“, порача претседателот Стево Пендаровски.

„Пред две недели го добивме најдобриот и најпозитивниот извештај на ЕК за нашата земја. Не само што добивме чиста препорака за почеток на прероговите туку бевме посочени како светол пример во Западен Балкан. Тоа го направивме со решавање на децениски прашања. Донесовме храбри одлуки за многу чувствутелни прашања за нашите граѓани со цел да ја отстраниме најголемата пречка во процесот на зачленување и во ЕУ и во НАТО. Со договорот за добросоедство со Бугарија и со Спогодбата од Преспа се ослободивме од товарот во минатото. Македонија е единствената земја во регионот која веќе нема отворени прашања со соседите. Покрај тоа испорачување реформи во многу клучни области и се усогласуваме со политиката на ЕУ. Свесни сме дека се потребни уште реформи и оти имаме слабости, ни претстои многу работа. Но морам да истакнам една реалност – ние сме најефикасни кога пред нас имаме задачи, а преговорите за членство се најдобрата реформска алатка“, истакна Пендаровски.

Посочи дека членството во ЕУ и НАТО е стратешка определба на државата и на огромното мнозинство граѓани. Потсети и на улогата на земјата во справувањето со мигрантската криза во 2016, а со тоа и во зачувувањето на европската безбедност.

Advertisements

Најпопуларно

To Top