ПАСТЕЛЕН ФРАНЦУСКИ: МАНИКИР КОЈ ЌЕ ВЕ ВОВЕДЕ ВО ПРОЛЕТНОТО РАСПОЛОЖЕНИЕ
Пронајдовме 10 совршени дизајни кои ќе ви дадат многу инспирација.
Не е тајна дека францускиот маникир е еден од најголемите трендови во последните сезони. Сепак, оваа пролет, пастелниот француски маникир е тренд број еден, а според Пинтерест, пребарувањата за него се зголемени за 455%.
Како и цветниот принт, пастелните бои за пролет не се нешто револуционерно, но тоа не ја намалува нивната убавина и фактот дека се совршен начин да ја пречекате новата сезона.
Имајќи го ова предвид, пастелните нијанси ќе му дадат свежина на класичниот француски маникир, а резултатот ќе биде минималистички и поелегантен во споредба со нанесувањето пастелен лак на целата површина на ноктите.
Можете да изберете една боја за врвовите на ноктите или да ги обоите секој во различна нијанса за посебен изглед. Исто така, линијата може да биде тенка или дебела онолку колку што сакате, додека трендот функционира и на кратки и на долги нокти.
