Со беседата на професор д-р Елизабета Шелева во петокот започна годинешното „Славење на пирејот“ во Слоештица, родното село и вечното почивалиште на Петре М. Андреевски, јавува Макфакс.

„…Кај Петре М. Андреевски љубовта кон родната земја и националната културна традиција природно се кондензира, во облик на исконска, искрена емоција, достојна за најголемите и највисоките креативни предизвици. Таа лојалност и љубов спрема татковината не е плод на бесрамна кокетерија, реторичка поза, ниту конформистичко додворување кон моменталните „авторитети“ на власта ….Во таа смисла, Петре остануваа неумоливо остар и критичен, како и секој вистински, непоткуплив автор, кој достоинствено држел пред сѐ до својот личен интегритет и чест – знаејќи, дека, како „човек на зборот“ – тоа е сѐ што има, а лесно може да го загуби, доколку би ги изневерил сопствените строги, артистички принципи и личната непоткупливост“, ќе потсети Шелева.

Програмата наманифестацијата продолжи на ткн Уметничкото гумно, на кое беше отворена изложба на делата создадени за време на меѓународната уметничка резиденција на Арт Поинт – Гумно 2015, како и на портрет-фотографии на уметниците од Сашо Н. Алушевски.

На гумното ќе бидат промовирани и резултатите од проектот „Поздравете ги птиците од Илинска и Плакенска Планина“ што организаторите го спроведуваат со поддршка од Македонското еколошко друштво и Еуронатур од Германија.

Особеност на годинешното издание на манифестациајта му дава оригиналниот сценски перформанс „Слојчки приказни кажани од Дедо Илија Кочовски“ во изведба на млада актерска тројка (сите со потекло од селото Слоештица) и режија на Андреј Цветановски. Цветановски е воедно и автор на документарниот филм „Животиште‟ (посветен на неговиот татко) што премиерно ќе биде прикажан на сцената – мост Бела Река.

Годинава, манифестацијата е делумно поддржана од страна на Министерството за култура на и градоначалникот на Општина Демир Хисар, Љупчо Блажевски.

Со засадување дрвце во паркот на поезијата во чест на лауреатот, кинескиот поет Беи Дао и традиционалното читање на песната „Т`га за југ“ пред Домот на поезијата денеска почнува 54. издание на фестивалот Струшки вечери на поезијата.

Годинашниот добитник на „Златниот венец“, кој пред 12 години беше учесник на фестивалот, по пристигнувањето во Струга истакна дека признанието е многу важно за него, но и оти е среќен што има можност повторно да се сретне со големи поетски имиња од светот.

Престижната награда на Беи Дао ќе му биде врачена в недела на традиционалното поетско читање „Мостови“.

Струга по 54. пат ќе биде претстолнина на поезијата, а фестивалот ќе се одржува пред Домот на поезијата и на отворени сцени во Струга. Истовремено поетски читања, „Поезија на пат“ ќе има и во Охрид, Ресен, Битола и Скопје.

По свеченото отворање во предворјето на Домот на поезијата ќе се одржи меѓународното поетско читање „Поетски меридијани“.

На фестивалската програма предвидени се поетски читања на учесниците од платформата „Версополис“ и традиционалните „Ноќи без интерпункција“.

Поезија ќе читаат и поетите од потесниот избор на наградата „Браќа Миладиновци“, чиј добитник ќе биде прогласен в сабота на прес-конференција. Во честа на јубелејот „50 години Златен венец“ ќе има поетски портрет на Адонис, лауреат во 1997 година.

На 54.Струшки вечери на поезијата ќе учествуваат 44 поети од 29 земји. Присутни ќе бидат имиња во современиот поетски свет од Шпанија, Шведска, Индија, Германија, Норвешка, Австралија, Чиле, Јапонија, Израел, Словачка, Русија, САД, Либан, Мексико, Молдавија.

Извор: 24 Вести

Тричленото жири во состав: Ѓорѓи Јолевски, Илбер Муртези и Тони Михајловски ги објави наградените актери, драмски и театарски работници и претстави на јубилејното 50-то издание на МТФ „Војдан Чернодрински“, Прилеп.

Наградата за најдобра претстава во целина ја доби „Електра“ од Македонски народен театар, Скопје. За истата претстава, награда за најдобра режија доби режисерот Андриј Жолдак. Од истата претстава, актерката Дарја Ризова ја доби наградата за најдобра главна женска улога. Наградата за најдобра главна машка улога ја доби Адем Карга од Албанскиот народен театар за улогата во претставата „Предавање“.

Најдобра споредна женска улога беше онаа на Ѕвездана Ангеловска, во „Електра“, а наградата за најдобра споредна машка улога ја доби Митко Апостолоски за улогата во „Иванов“ од Чехов, во изведба на Битолскиот народен театар.

Награда за најдобра музика за претстава доби Марјан Нечак за „Свадби“, а за кореографија претставата „Многу врева за ништо“.

Во присуство на Претседателот на РМ Ѓорге Иванов, министерката за култура Елизабета Канческа – Милевска, пред патениците во собранието на РМ, Градоначалникот Марјан Ристески, претседателот на совет, уметничкиот директор на Фестивалот Петар Темелковски и пред голем број на гости започна 50-то јубилејно издание на Македонскиот театарски фестивал „Војдан Чернодрински“.

Фестивалот започна со Македонската химна, а веднаш потоа следуваше читање на Повелбата –  признание кое Претседателот Ѓорге Иванов му го додели на јубилејниот фестивал. Плоштадот „Методија Андонов – Ченто“ претставуваше голема театарска сцена на која актерите од македонските театри пееја и  изведоа  делови од текстови на патронот – Војдан Чернодрински. Режисер на овој заеднички перформанс кој траеше околу два часа беше познатиот режисер Дејан Пројковски.

Во официјалниот дел на фестивалската програма и во трката за награди се 13 претстави на македонските професионални театри. Фестивалот ќе трае од 12 до 19 јуни. Годинашни добитници на наградата за животно дело се актерите Мето Јовановски и Благоја Чоревски и театрологот Јелена Лужина. Фестивалската програма започна вчера со претставата на МНТ „Електра“, која поради спецификата, публиката ја гледаше во Скопје на нејзината матична сцена. На 16 јуни публиката ќе патува во новиот театар во Велес за да ја проследи претставата „Приказни од шестиот кат“.

Во присуство на Министерката за култура Елизабета Канческа – Милевска и Градоначалникот Марјан Ристески беше пуштена во употреба и реконструираната сала во ЦК „Марко Цепенков“, а воедно ја проследија и изложбата „Древности“ од Александар Станкоски која се оддржа во ликовна галерија.

На 12 јуни со театарски спектакал на плоштадот „Методија Андонов-Ченто“ во Прилеп ќе почне 50-то, јубилејно издание на Македонскиот театарски фестивал „Војдан Чернодрински“, соопшти денеска на прес-конференција селекторот и уметнички директор на Фестивалот Петар Темелковски.

Во официјалниот дел на фестивалската програма и во трката за награди се 13 претстави на македонските професионални театри. Фестивалот ќе трае од 12 до 19 јуни.

– Со поддршка на локалната самоуправа и на Министерството за култура ќе направиме отворање на Фестивалот достојно за неговиот петдецениски јубилеј со кој ретко која манифестација може да се пофали, рече Темелковски.

Според изборот на уметничкиот директор на Фестивалот во конкуренцијата за награди се Македонскиот народен театар кој ќе ја изведе „Електра“ според митот за Електра од Еврипид, Софокле, Есхил и Сартр во режија на Андри Жолдак, Драмски театар  во официјалната фестивалска програма е со „Безљубни“ од Благица Секуловска во режија на Златко Славенски, Театар комедија е со „Многу врева за ништо“ од Шекспир во режија на Деан Пројковски. Театарот од Велес ќе настапи со „Приказни од шестиот кат“ од Драги Михајловски во режија на Дејан Дамјановски, Албански театар во програмата е со „Предавање“ од Мартин Мекдона во режија на Ќендрил Ријани, Турски театар е со „Сон на летната ноќ“ од Шекспир во режија на Александар Поповски, Народниот театар од Штип во официјалната фестивалска програма е со „Хотел ни на небо ни на земја“ од Ерик Емануел Шмит во режија на Љупчо Ѓорѓиевски, Битолскиот театар со „Иванов“ од Чехов во режија на Александар Баргман. Во трката за фестивалските награди се и претставите: „Залудни маки на љубовта“ од Шеркспир во режија на Тетовскиот театар, „Крвави свадби“ од Лорка во режија на Љупчо Ѓорѓиевски на театарот од Струмица, „Мајка храброст“ од Брехт во режија на Ѕвездана Ангеловска, а во изведба на Кумановскиот театар, „Детектор за лаги“ од Сигарев во режија на ненад Витанов на театарот од Охрид и „Сон на летната ноќ“ од Шекспир во режија на Нела Витошевиќ, а во изведба на народниот театар од Прилеп.

Годинашни добитници на наградата за животно дело се актерите Мето Јовановски и Благоја Чоревски и театрологот Јелена Лужина.

Темелковски најавува богата фестивалска програма и во придружниот дел со полноќни театарски претстави и со промоции и трибини.

– Задоволен сум од претставите што ги гледав за да се состави фестивалската програма. Секогаш доаѓаат најквалитетните остварувања на театрите. Освен што програмата е шаренолика, на сцените ќе се појават и нови актерски имиња што се подмладок на ансамблите на македонските театри. Фестивалот ќе донесе и претстави во придружниот дел, трибини, особено ќе бидат претставени досегашните добитници на наградата за животно дело. Ќе биде претставена и монографијата за јубилејот на Фестивалот. На отворањето на 12 јуни, прво ќе има претстава на сцената од Прилепскиот театар, а сите потоа ќе се упатат на плоштадот „Методија Андонов Ченто“ каде во чест на фестивалот ќе има театарско отворање со сета фестивалска публика и можност прилепчани да уживаат во тоа. Се уште се подготвува перформансот и допрва ќе се направи редоследот на претставите кои ќе бидат во програмата, изјави Темелковски.

Градоначалникот на Прилеп Марјан Ристески ја најави вообичаената поддршка на една од најголемите манифестации, особено што во пресрет на Фестивалскиот јубилеј комплетно ќе биде обновена големата сала од Центарот за култура „Марко Цепенков“.

– Фестивалот е гордост на Прилеп и за Македонија. Тој е на сите, особено на прилепската публика која знае да го цени и да ја награди театарската уметност, посочи Градоначалникот Ристески.

Во среда (27.05.2015), во Прилеп, по дванаесетти пат се вози Критична Маса.

КритичнаМаса #12, е различна од другите бидејќи е РОДЕНДЕНСКА.

Веќе една година Прилеп НаТочак се обидува да ја подигне свеста и значењето на возењето велосипед, како и позитивните придобивки за целото опшество.Прилепчани се повеќе го користат велосипедот како превозно средство, а со тоа се зголемува и потребата за подобрување на условите за велосипедистите.

Во Прилеп, Критична Маса се вози еднаш месечно, секоја последна среда од месецот.
Оваа Критична Маса се очекува да биде најмасовна досега, покрај тоа што ќе се вози вообичаена рута низ градските улици, по завршувањето следат изненадувања, мала прослава и дружење со точакољубците.

Повелете,заедно да го прославиме првиот роденден и да си посакаме уште многу заеднички возења.

Среда,27мај,2015

Место: Споменик „Александар Македонски“

Старт: 19:00часот

Прилеп На Точак е градска иницијатива која има за цел подигање на јавната свест на љубителите на велосипедизмот, шоферите, пешаците, децата, родителите, јавните институции и сите други во Прилеп за користењето на точакот како урбано и модерно превозно средство за секаде и во секое време.

Што е критична маса?

Критична маса е возење точак! Се создава кога група велосипедисти ќе се соберат на едноместо и заедно се возат по улиците од нивниот град.
Критична маса нема раководство. Тоа е возење каде никој не е главен. Секој е одговорен за себе и за Масата.

Приказната зад името

Името „Критична маса“ е земено од документарниот филм за велосипедизмот на Тед Вајт(Ted White) „Return of the Scorcher” (1992) – „Враќањето на велосипедот“ (Scorcher е сленг имеза велосипед од 19 век). Во филмот, Џорџ Блис (George Bliss) опишува типична сцена во Кина, каде што велосипедисти не можат да поминат крстосници бидејќи има премногуавтомобили, а нема семафори. Полека полека, се повеќе велосипедисти се собираат чекајќида ја преминат крстосницата, и кога ќе има доволен број од нив, односно ќе се создаде “критична маса“, како штоБлис ја нарекува, благодарејќи на својата бројност тие можат да си го пробијат патот.

Денес критична маса се организира во над 300 градови во светот. Нема лидери, немаформална организација, само критична маса велосипедисти. Најмасовната КМ се одржала во Будимпешта, Унгарија во 2008 година, кога учествувале 80.000 велосипедисти.