Сега на патување можете да го понесете својот кревет, заедно со столицата и масата, просторот за личните работи и местото за велосипедот и сето тоа убаво спакувано во орман, кој може да биде пренесен во вашето возило.

Travelbox е креација на австриската дизајнерска фирма „Јuust“ и е спакуван мебел во алуминиумска кутија креирана за патувања.

Кутијата е долга два метра, 1,20 метри широка, длабока 40 сантиметри и тешка 60 килограми. Travelbox е наменета за човек кој често патува и не поседува ништо освен основните и најпотребните работи, кои лесно може да бидат транспортирани од едно до друго.

Во кутијата има минималистичка маса во дански стил, платформа за кревет, двојна јога, перници, постелнина, столица и велосипед. Самиот Travelbox се подигнува и служи како собна преграда со вградена шипка и полици.

Во Франција моментално во тек е производството на специфична јахта која, како што наведуваат дизајнерите ќе „има вертикални крилја“.

Станува збор за луксузна јахта, која делумно ќе се движи со мотор, а делумно со силата на ветерот.

Јахтата која е наречена Комореби ќе има две големи едра, со кои ќе може да се движи со брзина и до 27 километри на час.

Тоа ќе биде луксузен брод со голем салон, помала градина на површината, базен, сауна и простор за слетување на хеликоптер.

– И покрај должината на јахтата не сакаме Комореби да изгледа предоминантно. Она што сакаме да го направиме е прекрасен џин, изјави Марк Ван Петеген, дизајнер во компанијата ВПЛП, која ги произведува овие јахти.

Комореби ќе има и соларни панели благодарение на кои ќе заштедува 30 отсто од горивото.

Станува збор за третиот најголем гејзер на светот, а неговите фасцинантни бои се последица на присуството на бактерии и алги.

Сместен во националниот парк Јелоустоун во американската сојузна држава Вајоминг, големиот призматичен извор во светот е најпознат по исклучително топлата вода и неверојатната палета на бои.

Откриен од група геолози во 1871 година, тој има дијаметар од 90 и длабочина од 50 метри и претставува најголем гејзер во САД.

Шарениот спектар бои, кој привлекува голем број туристи од целиот свет е последица на активностите на пигментираните термофилни бактерии, кои живеат во водата околу рабовите на изворот.

Боите кои ги создаваат бактериите ја одредуваат висината на температурта, а тие зависат од односот на хлорофил и каротеноид присутни во водата.

Во средината на гејзерот вода е толку многу топла, што дури ниту бактериите не можат да преживеат, а температурата постепено се намалува кон рабовите. Тоа воедно објаснува зошто многу жолтата, портокаловата и темно црвената боја се наоѓаат на рабовите, додека средината е во сина боја.

Во францускиот скијачки центар Куршевил е изградена дрвена планинска вила, која ги содржи сите архитектонски вредности на националната традиција и култура и е одлично вклопена во природното опкружување на Алпите.

Современата вила „Шалет Кибо“, која е дело на младата архитектка Анжелик Бисјон, има капацитет за сместување на 11 лица во пет спални соби.

Вилата се наоѓа на околу 250 метри од жичарниците на популарните скијачки патеки и на иста оддалеченост од центарот на Куршевил. Таа е изградена од дрво и бетон и изгледа убаво и романтично.

„Шалет Кибо“ е уредена во модерен стил со современи, светли и функционални елементи и е исполената со голем број детали во разни бои.

Таа претставува одличен пример за хармонија меѓу едноставноста, луксузот и удобноста на животниот простор во една планинска куќа.

Крај патот над езерото Маџоре во близина на местото Кавијано во Швајцарија се наоѓа мал бетонски бункер, кој наликува на запустен хангар или некогашна скривница.

Но, зад кородираната врата и седум метри долгата бетонска фасада, всушност се крие шармантен модерен дом со минималистчки дизјан, брилијантно прилагодено осветлување и централен атриум во антички римски стил.

Овој модерен дом е дело на архитектонското студио „Веспи де Меурон Ромео“, кое некогашната напуштена бетонска коцка ја трансформираше во живеалиште со модерен ентериер кој плени со својата грациозна љубезност.

Бетонската основа на куќата е надополнета со стакло, дрво, метал и делкан камен, кои и даваат сосема нов лик на оваа груба градба.

Со поставувањето на прозорци и стакларник овозможено е влез на големо количество светлина во оваа оригинално мрачна градба, а градинарскиот атриум дополнително придонесува за ослободување од чувството на клаустрофобија.